呃秤

屋企正在用的是香港寬頻, 速度不錯, 近來再收到一封來信, 就說我的寬頻已經由bb10 提升為bb100, 免費幾個月試用, 仲加送5齣戲免費下載, 讓你體驗真正極速寬頻云云. 我第一時間看送的是甚麼戲, 果然, 都是港產爛片: 瀉停封o既超浪漫巨著<<戀愛行星>>, 阿sa扮鬼扮馬扮cutie o既<<我老婆唔夠秤>>, 連簡介都費撚事睇o既<<半醉人間>>, 三個唔知扮緊型警定魔警o既<<重案黐孖GUN>>, 同埋冇賣大包o既朱茵姐姐o既<<心寒>>.

既然想試下有幾快, 是但揀左套<<心寒>>下載, 結果速度是7-8Mbps, 7-8分鐘下載3.8G, 不錯丫(當然不錯了, 由我屋企駁去香港寬頻server幾乎係direct connection, 咁都唔快好去跳海啦). 打開檔案一睇, 好, 有個類雌性生物走出來話: "係咪話咁快就下載完呢, 係咪好好用呢, 係咪無與倫比呢... (下刪二百字), 好啦, 唔阻果位啦, 去片~". 正式開始, 初時睇都覺得, 幾對版丫, 只係間唔中右上角彈個香港寬頻o既logo出來, 誰不知, 睇睇下, 檔案已經播完, 但套戲先至o岩o岩到戲肉...

操佢奶奶, 都估到佢唔會咁筍架啦, 就估唔到聲稱免費下載"一套戲"會係咁, 不過都好, 反正套戲真係幾爛, 最後一幕朱茵姐姐唔知做乜發晒神經話見到鬼, 然後一支箭咁衝落街, 仲衝出馬路, 引起十幾架車連環相撞(就係無撞到佢), 佢就安然坐在馬路中間喪叫, 完. 恭喜晒, 支持香港電影拍攝工作.

想到這裏, 不由得不衷心感謝香港寬頻, 感謝它的呃秤, 令我逃過一劫, 阿門.